初中單一系列教科書，竟然分拆成五十四個單元獨立印製出售，連同中英文版本，合計成百本書，做法被質疑為抬高書價，李衞為咗家長荷包着想，就去搵教育局局長吳得掂傾傾。

李衞：印晒落一本度唔得嘅？係要印成幾十本，唔環保又掠水！

吳得掂：你知依家好多嘢都要細分o架，歷史都分中西啦。

李衞：你唔好混淆視聽，歷史分中西係合理，但初中有冇可能有五十四個單元咁多？

吳得掂：其實唔難，再分多啲都仲得，中國有咁多省份，真係逐一開個單元嚟教中國歷史都仲得！

李衞：@#^%!!!，難怪啲家長要四圍撲書，多得你唔少！

吳得掂：撲書都係其中一種教育。

李衞：咁都講得出口？

吳得掂：依家咁重視德智體群美五育，家長陪仔女撲書，咪可以好好實踐「體育」囉！

第一手消息請下載on.cc東網iPhone/iPad/Android/Windows Phone Apps