審計報告揭發未來十年公屋供應不足十八萬個單位，較目標尚欠約二萬個，出現呢個情況，貪曾罪魁遺禍，市民梗係谷鬼氣，一於鬧爆貪曾。

市民：你個衰貪曾，舊邨地有公屋唔起，起私樓，叫我哋點上樓呀！

貪曾：私樓咪又係樓，都叫有起樓吖，係咪？

市民：我呢啲基層住劏房，邊度有錢住私樓，玩呀？

貪曾：咁就唔可以賴我冇起樓喇！

市民：我想有個安樂窩，想上樓啫，點解咁難？

貪曾：得得得，無問題，跟我嚟。

市民：做咩帶我入升降機，我哋去邊？

貪曾：你話想上樓呀嘛，依家咪「上樓」囉，你想上邊層？幾多樓都得o架喎。

市民：*^&@@!!%@!!

第一手消息請下載on.cc東網iPhone/iPad/Android/Windows Phone Apps