立法會專責委員會日前發表報告，三度狠批「貪湯」前廉政專員湯顯明破壞廉署形象，令廉署聲譽蒙污，但係貪湯仲死撐話成份報告冇任何地方同「貪」字有關，仲話「還了本人一個清白」，咁講直頭係不知廉恥。不過，貪湯咪咁早開心住，以為就咁可以甩身，因為泛民委員小眾報告就對佢發出「最強烈譴責」，促請廉署對貪湯作全面調查，咁廉署就咪喺度歎慢板喇！
