政壇：羅寶文妙論中港拍拖

近年嚟中港矛盾加劇，身兼傑出青年協會主席嘅富豪酒店集團副主席Poman羅寶文日前出席一項青年活動時話，中港文化差異引發嘅矛盾好常見，而佢喺工作上都成日遇到呢個難題，事關旗下客仔來自香港、中國及歐洲，各處鄉村各處例，意見分歧時有所聞。但佢話要解決矛盾，就要多溝通，好似拍拖同工作咁，每次有拗撬都係源於彼此冇溝通，所以佢鼓勵大家打開心窗，坦誠交流。講開交流，早前佢就帶咗四十位傑青上京考察，畀大家深入了解吓內地嘅文化。