SUN搞作：少膽虫手記：殘廁gathering特別正？

駐足欣賞嘅少膽虫正聽得興起，廁門遽然而開，淫賤黎同李漢奸雙雙步出，見到少膽虫面面相覷，「腦細，你哋……」李漢奸一聽，絕塵而去。淫賤黎打完場道︰「佢有緊要事走先，係喇，少膽虫你聽到啲咩？」

少膽虫礙於淫威，只好和盤托出︰「由『你唔係真心』開始聽到。」「啪啪啪」，淫賤黎拍打廁門，「我點會唔係真心，我一向對『搞』咁有熱誠！」少膽虫驚問︰「腦細，係殘廁搞咩咁激？」

「梗係傾吓點樣偽行搞事啦！佢怪我行得慢，咁人哋慢熱嘛，行慢啲好出奇呀？」淫賤黎略有不滿。原來又係搞三搞四，不過……「腦細，有需要喺殘廁傾咩？」

「依家興喺殘廁gathering嘛！」淫賤黎答完後，轉身又走番入殘廁。