政壇：曾咏當講師 教健康美容
擁有碩士銜頭嘅曾咏有身材又有智慧，今個夏天起，佢又多一頂帽。佢日前出席一個活動嗰時透露，下個月會喺浸會大學做客席講師，課題圍繞健康同美容等，佢仲話，今年工作太多，冇辦法再寫書。
曾咏下個月會在浸會大學做客席講師。
曾咏除咗做模特兒之外，仲好落力搞網上平台，透過呢個途徑發展佢嘅美麗事業，佢話：「依家我個個月都會拍一條片上youtube，教人扮靚同瘦身，仲會解答大家呢方面嘅問題。」佢笑言，成日有朋友問佢呢方面嘅問題，自己好似客串做朋友嘅醫師同營養師咁，拍咗片之後，朋友有疑問，曾咏就叫佢哋上網睇，咁樣大家都方便。
