SUN揭秘：喜見新成員街坊欣慰
近年，網民愛將女神級的女藝人稱呼為「BB」，而神雀「BB」，亦深受一班街坊愛戴。訪問當天，炎炎夏日，李伯興致勃勃地帶着新了哥，到樓下巴士站乘涼。他將鳥籠放在地上，然後戴上Cap帽，坐在木椅上，一副悠閒自得的模樣。途經的街坊看見新了哥，以為是「BB」回來了，都紛紛走上前寒暄一番，「搵到隻雀喇？」「係咪BB呀？」「BB返咗嚟？」
「佢唔係BB！」李伯連忙解釋，令一眾街坊相當失望。「係喎，BB好似冇咁大隻，同埋對腳冇咁皮光肉滑。」其中一名女士走近雀籠「望真啲」，才知道認錯雀，「BB好得意，識得講早晨，又會跟住阿伯行，自己啲仔女都冇咁乖啦，唔見咗真係好可惜！」雖然大家都十分掛念「BB」，但仍為李伯感到高興，「唔緊要啦，最緊要有隻雀陪吓阿伯。」
