政壇：夏千福戒翅學人玩封嘴

上任以嚟不嬲動作多多嘅「小八國聯軍」成員美國駐港總領事夏千福，尋日出席「護鯊行動」活動推廣唔食魚翅，喺致辭時用兩文三語講開場白，仲用唔鹹唔淡嘅廣東話講「我一翅都唔食」，反而用普通話再講一次同樣訊息時仲準啲。夏千福喺接受傳媒訪問嗰時承認自己有食過魚翅，但係好耐之前嘅事，依家冇再食嘞，之後佢喺宣傳海報前用左右手食指打交叉放响嘴邊，寓意封嘴「一翅都唔食」。夏千福呢吓「封嘴」，唔知仲以為佢表示今後少講為妙，費事又畀人批評有美國勢力介入香港事務。