喺立法會大樓內嘅紀念品店不時會推出新款紀念品，近日又推出一系列精品同文具，內容包羅萬有，既美觀又實用。先講文具，秘書處特別推出唔少印咗立法會大樓鼓形牆設計嘅塑膠文件夾，每個只賣十元，據聞都幾受訪客同導賞團歡迎。紀念品店唔只賣平嘢，新產品中就有個印咗立法會大樓外貌嘅水晶擺設，雖然每個盛惠一百三十元，但係立法會獨家產品，好難講係咪物非所值。

新產品中就有個印咗立法會大樓外貌嘅水晶擺設。

立法會為咗配合環保大趨勢，仲特別推出一批木筷子湯匙套裝，每套盛惠二十五元。另外又推出環保購物袋，但質地同市面上賣嘅差唔多，只係印多個立法會logo，就賣成二十五元一個，似乎貴咗啲喎！

第一手消息請下載on.cc東網iPhone/iPad/Android/Windows Phone Apps