話說港鐵服務，天天進步。冷不防，東鐵線列車一日又壞足三次，一班市民響應中產財爺號召，在茶餐廳內一邊呷着咖啡，一邊討論港鐵的優質服務。

但見一位老人家搖頭擺腦：孔夫子有云：「吾日三省吾身。」港鐵說：「吾日三壞吾車。」朝早八點先壞一次，十點又壞一次，下晝一點再接再厲，搞到東鐵一癱再癱，車廂內數千乘客唔上唔落，月台上候車人群怨聲載道，足證其影響力比孔夫子猶有過之！

貪靚妹：小妹為了減肥，一日只食兩餐，現在香港鐵路為了自肥，不僅每年加一次價，而且一日壞三次車，撞板多過食飯，小女子自愧不如啊！

打工仔：不過咁，正如老人家平時所講，「三折肱而為良醫」，現在港鐵撞板撞得多，也撞得愈來愈純熟了，乃在App加設「壞車服務」，每逢發生事故，我們上班受阻，即可透過手機下載「受難通知書」，讓我們大條道理向老闆解釋——不是我的錯，都是港鐵錯！

老闆：錯錯錯，錯你個頭，難道我們都不用做生意了！計我話，港府推行那個罰款機制完全搵笨，辦事不力的港鐵管理層絲毫無損，到頭來咪又係商家受害、乘客埋單！

工程師：唉，港鐵有能力創新App，卻不用心檢討管理及機件問題，我暈！