香港特區真大鑊，家陣，喺呢度搭港鐵車，唔係單單好似蘇錦樑咁講等多班，而係無得搭。

哼！唔止無得搭，仲唔知架車去咗邊。

係港鐵控制室發現，成十卡車廂完全「隱咗形」，唔知去咗邊！

荒謬到好似馬航飛機咁，無法聯絡！大陸蝗語叫「失聯」！

最PK嘅！係呢個自詡有高端科技嘅港鐵公司，竟連「後備系統」都無法自動啟動，咁！「後備」嚟做乜？睇呀？擺呀？因貴一貴買番嚟，有Jetso呀？

唔計今年四個月內，已先後N次出事延誤嘞！淨係啱啱星期日至爆完一煲，成班港鐵高層在傳媒鏡頭前扮死狗，誓神劈願話無下次之際，翌日星期一，又嚟幾劑，喂！搞邊科？是否老奉「錯照認、事照出」？好等香港人「包容包容」，習慣成自然呢？

港鐵這「獨立王國」，同香港垃圾政府官僚架構一樣，養着班高薪廢柴，只懂抽榨平民（乘客）啲血汗金錢，好等自己每年派花紅分水，即使港鐵出事「被罰款」，也不影響他們的薪金和福利，正Poor guy！

香港市民公認最無良的機構「港鐵」，除一班廢柴無王管外，制度更是千瘡百孔，死症無法醫治外（話有乜乜通報系統，只是卸鑊的保護罩，無一次有效），現港鐵的儀器工具架生，多用「大陸製造」的「祖國貨」，是否出事的主因呢？有無人去深究？港鐵有無遮瞞？應否主動向大眾講清講楚？嗱！鐵路運輸經常「停航」，都仲係小事！喺大角咀一帶因起高鐵，好多棟大廈出現巨型裂縫，香港廢柴政府仲扮盲，睇唔到。好！等出事吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps