政壇：恒生力撐培育青年領袖

依家小朋友未識行就要返學，往後都要不斷上啲乜班物班，而且質量好高，絕不「兒戲」。恒生銀行商業銀行業務總監Donald林燕勝話佢二十幾三十年前，係學校交通安全隊領袖生，喺過程當中亦獲益良多，但同依家恒生支持嘅「青年領袖教室2014」，真係冇得比囉！

林燕勝（左一）話活動對個人成長以至日後出社會工作都好有幫助。

恒生全力支持嘅「青年領袖教室2014」，每年都邀請到重量級嘉賓同中學生分享真知灼見，協助佢哋裝備自己，把握機遇。「教室」尋日開展，Donald話當年較少舉行好似「教室」呢類全港性活動，而且仲有名人分享經驗，比起佢當年高咗一個層次。

Donald又好同意另一位出席嘉賓、香港大學校務委員會主席梁智鴻嘅講話，即領袖有四個必要元素，包括誠信、承擔、以身作則、無私，呢啲元素喺工作上亦應用得到。