政壇：官媒狠批拉布議員扯皮

要求立會主席「剪布」

有關評論文章將激進泛民議員嘅「拉布」行為形容為「扯皮」，在網上搜尋器搵到嘅解釋係「無原則地爭論糾纏，不負責任的推諉」，文章仲話連建制派都發出聯署聲明，「反對誤港誤民的『瘋狂』行為」，要求曾鈺成「剪布」。

文章又指出，大量嘅修正案唔止拖延預算案通過，仲可能導致政府遭遇「財政懸崖」，又引述香港輿論話，面對政府施政同經濟民生受阻嘅局面，「拉布」已經到咗「必須依法遏止的地步」，仲暗踩日前向財爺鬍鬚曾撒陰司紙嘅長毛，質疑佢「純粹只是撒紙錢式的無聊勾當」，已經冇存在嘅必要同價值，不如「剪之而後快」咁話。