政壇：寸爆李漢奸民主阿婆 阿Ann指訪美如自摑
「民主阿婆」前政務司司長陳方安生同外號「李漢奸」嘅白鴿黨創黨主席李柱銘，早前雙雙去美國同加拿大唱衰香港，對香港政改指指點點，惹來外界同內地官媒連番批評。建制派立法會議員Ann蔣麗芸對兩人嘅醜行都忍唔住要出聲，喺社交網站批評兩人到依家都仲活喺過去同幻想之中，苦巴巴咁跑去美國告洋狀，簡直就好似「一個耳光掌摑在自己的臉上」咁喎！
蔣麗芸話民主阿婆同李漢奸跑去美國告洋狀，簡直係「活在過去、活在幻想中」。
阿Ann話中美關係就好似一場博弈咁，舞台愈大，落注就愈多。香港係一個小舞台加上依家都不知幾多美資金融大鱷喺香港搵緊真銀，所以叫美國喺香港煽吓風、點吓火就會，但喺中美關係押上注碼就冇可能喇。所以阿Ann話，民主阿婆同李漢奸仲跑去美國告洋狀，簡直就係「活在過去、活在幻想中」，以為美國真係會幫香港爭取民主，認真糊塗。
