官場流傳，上次特首選舉之前，某利益集團頭目與貪曾聚首一堂，表面上搞雀局，實際上喺度用暗號密謀一單掠市民水嘅大陰謀……

貪曾：呀你哋真係識約地方，約喺呢啲私人會所見，同內地官場接軌之餘，仲有我平價批地津貼，實無死啦……喂喂喂，一萬我上！

頭目：哈，一開始就上一萬，你都幾心急喎？慌你做十三么咩？

貪曾：一萬蚊呎算平喇，有車上仲唔上，遲下無得你上添？

頭目：哦？睇嚟你想幫手做啲嘢喎？打隻三萬你歎！

貪曾：碰！發達喇，谷到三萬，我仲唔即刻再僭建，等幾時？

頭目：咦，真係同路人嚟喎！打埋呢隻畀你！五萬！

貪曾：哈哈哈，食呀！五萬，係五萬呀！今次仲唔賺到開巷？

頭目：就咁話啦，我選你朋友做特首！

貪曾：合作愉快！不過，我可唔可以收番呢局嘅錢？

頭目：貪到你吖！

第一手消息請下載on.cc東網iPhone/iPad/Android/Windows Phone Apps