教育局前政治助理楊哲安嘅太太楊張新悅，早前出席公開場合時自爆懷咗第三胎，已育有兩個囡囡嘅佢，強調唔係因為要追個仔，只係話老公鍾意小朋友，唔介意再生添！

楊張新悅見友人前來，即熱情同對方錫錫打招呼。

懷孕嘅楊張新悅，等待友人時攞咗部平板電腦出嚟打發時間。

咁啱尋日下晝五點幾，就見到佢特地相約友人去中環high tea。着鬆身衫嘅楊張新悅，甫坐低即點咗飲品，跟住仲攞咗部平板電腦出嚟左撳右撳，期間又睇到聚精會神。冇耐，一名女友人嚟到，楊張新悅即一臉興奮向對方揮手，友人坐低之後仲錫面打招呼，之後佢哋就講到雞啄唔斷，遲遲未見離開。

第一手消息請下載on.cc東網iPhone/iPad/Android/Windows Phone Apps