民航處斥資五億元購入嘅雷神航空交通管理系統，兩年來「有得睇、冇得用」之餘，仲被揭發講大話，隱瞞前高層曾參與審批該系統，該高層離職後更加入中標者嘅分公司任職，涉嫌利益輸送，民航處處長羅崇文喺事件中欠缺交代，再加上佢以前劣迹斑斑，醜聞多籮籮，包括喺新總部豪設電視城同大浴場，花公帑駕駛定翼機等，搞到烏煙瘴氣，再係咁落去，唔知佢仲可以坐呢個位幾耐呢？
