城中鏡：吳建斌高薪入碧桂園

五十一歲嘅吳建斌，八四年加入中國建築工程總公司，○一年任中國海外集團董事兼財務總監，○二年任中國海外發展執行董事兼財務總監，○九年調任為副主席兼非執行董事。加入碧桂園前，吳建斌係中國海外集團常務董事、副總經理及中海投資發展集團董事長。

吳建斌有權收取基本年薪五百萬元人民幣，佢亦有權按董事會嘅絕對酌情權所定嘅數額，獲得年終管理花紅。據碧桂園披露，吳建斌同埋連繫人擁有碧桂園三百萬股，佔已發行股本約百分之零點零一，以尋日收市價計，市值超過一千一百萬元。碧桂園股價尋日升咗百分之八，睇嚟市場對呢個消息幾受落。