SUN揭秘：滄海桑田今變鬧市
「我哋藍氏祖輩喺排頭村住咗差唔多二百年，以前呢頭邊有咁多人同路，早我一、兩輩時，屋前面就係田同海。」藍伯在排頭村過了大半生，見證着沙田圍村的改變，由滄海桑田變成繁華鬧市：「舊時排屋前一帶好多棵樹，但後來列入政府土地，我亦搬番棵羅漢松喺自己屋前。」
先祖200年前移居深井
排頭村毗鄰是沙田港鐵站，見證巨輪下的發展，「以前啲人靠山維山，靠水食水，排頭村村民除耕田外，仲會捉魚維生，近年附近有骨灰龕場落成後，愈來愈多人在排頭村賣紙錢祭品，可見村內的變遷。」香港民俗掌故研究者周樹佳指出，「排頭村原居民係五華縣客家人，大約二百年前其先祖移居深井，之後遇暴風吹襲，房屋盡毀，所以先搬去排頭村定居，當中主要姓藍，亦有部分姓丘。」
