政壇：埃利安新書隨時賣斷市
埃利安冇做Pimco舵手，轉咗去Pimco母企安聯做首席經濟顧問之後，好多人都想知多啲佢嘅最新動向。最新消息指埃利安計劃再出書，今次講吓央行崛起與潛在衰落，但同佢不歡而散嘅債王格羅斯，之前聲稱遭對方撰文力數不是，究竟本新書有冇再爆多啲佢哋之間恩怨呢？
消息話埃利安今次搵咗版權代理商Wylie Agency搭路，書名叫《The Rise and (Possible) Fall of Central Banks：What It Means for You》，Wylie近日向英、美兩地書商披露嘅新書大綱，內容關於央行多年嚟嘅演變，少不了細數近年啲非常規措施。
埃利安○八年七月發表處男作《大衝撞：全球經濟巨變下的重建預言與投資策略》，嗰陣仲未爆發金融海嘯，已經旋即擸走《紐約時報》暢銷書冠軍寶座。
當然啦，家陣佢同債王鬧得火紅火綠，再做賣書王話咁易，只要本新書係講二人關係嘅興衰，實賣斷市！
