李文斌夫婦喺社交網絡上載一張驗孕棒嘅相同老友開玩笑。
眾所周知，理文造紙行政總裁Edmond李文斌同太太Amanda何芷韻出晒名恩愛，佢哋三年前生咗一對龍鳳胎，去年七月又意外添丁。前日四月一日，Edmond喺社交網絡上載一張驗孕棒嘅相，標題係「又中獎？」支驗孕棒有兩條紅線，即係有喜咁解，六十幾個朋友即刻瘋狂讚好，爭住恭喜佢。點知原來係愚人節嘅玩笑啫！
後來有心水清朋友篤爆話，早已喺社交網站見過張相喇！Edmond先至祝大家愚人節快樂，Amanda仲講笑話「可惜這次沒有我份」。
第一手消息請下載on.cc東網
