「估唔到香港有咁嘅問題」
【本報訊】遊客大排長龍等的士，暴露郵輪碼頭交通配套差。「香港係國際城市，要遊客苦等咁耐先至上到的士，情況真係差劣！」來自澳洲的遊客Charles乘坐瑪麗皇后二號抵港，落船後打算乘的士在港遊覽，豈料在的士站等了一個半小時，仍未能上車，十分無奈，不諱言：「今次真係影響咗我對香港嘅印象。」另一名首度來港的澳洲男遊客亦批評，「喺其他地方旅遊從來冇遇到呢種問題，估唔到竟然喺香港發生！」
澳洲遊客Charles等了一個半小時，無奈指：「今次真係影響咗我對香港嘅印象。」
二十年前移居澳洲的港人，昨在啟德郵輪碼頭上岸，他批評交通安排差劣，政府及郵輪碼頭公司須盡快改善。同樣來自澳洲男遊客Rod Davis與妻子均認為郵輪碼頭公司見遊客逼滿的士站，理應設法令旅客可盡快上的士。
大家都很憤怒
澳洲籍女遊客Jan Ross與丈夫形容當時人頭湧湧，十分誇張，坦言：「我見到排隊嘅人龍好長，好多人嘅表情都很憤怒，希望下次再嚟香港，交通配套可以有改善。如果加多啲的士同接駁巴士會好啲，可以方便旅客。」另一名德國女遊客Kusserow亦表示：「郵輪碼頭公司如果可以安排多啲的士載遊客去市區會好啲。」
