「鯊魚女」Abbie陳細潔同家姐陳小寶尋日出席「保良局癸巳年籌款節目頒獎禮」，Abbie透露遲啲會飛去法國。做乜？原來係去試酒兼出席一個活動。咁佢會唔會自己釀酒呢？佢就話咁做太大工程嘞！佢家姐陳小寶雖然唔會同行，但就希望整番支有自己名嘅紅酒留念咁話。

陳細潔話自己釀酒太大工程唔會試。

對於馬航意外，陳小寶話唔會因而怕坐飛機，又話：「好耐之前我哋喺澳洲返香港搭飛機遇過十號風球，都好驚險，唔諗就唔驚，上天安排好晒，我哋落機見到空姐互相攬埋，先知遲我哋幾分鐘班機有意外，有好多車到場。」如今舊事重提，佢哋反而覺得驚險及難忘。

第一手消息請下載on.cc東網iPhone/iPad/Android/Windows Phone Apps