全港已領牌車輛達到六十七萬部，舊車胎處理問題不容忽視，環保署統計數字顯示現時本港車胎回收率甚高，但有回收業界人士反駁，指本港車胎回收業已停頓多年，質疑高回收率背後隱藏未獲妥善處置的車胎不計其數。

棄置車胎位置附近亦發現有大量泥頭被棄置。

環保署資料顯示，堆填區於一二年共處理一千八百多公噸廢車胎，同年車胎回收則達一萬二千公噸，為堆填區的六倍多。不過，記者曾以顧客身份向環保署提供的十七間輪胎回收商查詢，竟有八間表明不收廢胎，只有四間表示可收取五至十五元的處理費處理一條車胎，有回收商更直言「只係幫你打碎佢運去堆填區」。

「佢只係『回收』，但係最後收咗去邊？有幾多會去咗山頭度？」香港環保回收業總商會前主席梁沛倫直言本港車胎回收業已完全停頓近十年，質疑數字背後的車胎有大部分未獲妥善處置。梁續說，政府曾招標補貼回收商處理廢胎，惟因價低者得，廢胎最後去向卻惹人質疑，「錢就收咗，啲車胎最後去咗邊就冇人知，有唔少仲話係意外失火燒咗！」

梁又指，近年內地大幅提高廢車胎關稅，打碎後的車胎無法運離香港，回收更無利可圖，「啲車胎打碎咗都只係賣到一千幾百蚊噸，但內地隨時收你二千幾蚊一噸嘅稅，根本就冇得做！」

第一手消息請下載on.cc東網iPhone/iPad/Android/Windows Phone Apps