政壇：艾爾敦睇七欖讚好氣氛

艾爾敦第一次欣賞香港國際七人欖球賽已經係一九八○年，當時係第五屆比賽。佢仲記得當年係落住雨，成個草場都濕晒，時不時都要叫人泵走啲水先可以繼續比賽。艾爾敦真係犀利，連賽果都記得，十二比八，由斐濟隊擊敗蘇格蘭隊，第三次奪冠。

講到最難忘嘅事，佢就話係氣氛，比賽場地愈搬愈大，可容納嘅觀眾就愈來愈多，氣氛就梗係有增無減，而且愈來愈國際化，而依家每年都好似開party咁添！

話晒都欣賞過逾二十次七人欖球賽，唔知佢今年睇好邊一隊呢？佢就話過去兩年都係斐濟隊贏，今年當然有機會啦，但佢就支持All Blacks（新西蘭國家代表隊）嘞。