SUN搞作：網絡小說：不鬧洞拉

胡先生心諗今時今日咁嘅服務態度未夠嘅，就諗住幫洞拉開年：「吖！如果不是中央政府照顧你們，完蛋了！」洞拉聽見胡先生搬出中央政府，非常驚訝，誠惶誠恐：「中央政府？胡……胡先生，你唔通係胡志明嘅後人？」

恫嚇居然見效，胡先生打蛇隨棍上：「哼！你最好醒醒定定，今次呢單嘢，我哋政府會過咗Ｎ年後忽然話制裁你哋！」洞拉聽後了然，原來此中央非彼中央，而那小島小政府也實在小兒科，於是堆起笑面：「哎呀，早講吖嘛！嚟嚟嚟，呢條外賓特別通道，係為你而設嘅……」

胡先生舉頭一看五個大字：「胡……志……明……小……徑……」洞拉笑說：「仲坐乜嘢巴士，我哋係戰鬥民族，直接捐地道！行啦喂……」港燦胡先生為自己得罪這個曾經戰勝美帝的民族而後悔。