SUN搞作：SUN官場現形記：暴殄天物
局長波波及星仔，見到一市民垂頭喪氣，於是上前問吓發生咩事，原來係同「賭」有關……
市民︰倒完又倒，真係倒錢落海……
星仔︰呢位市民，你終於醒覺，賭真係害人不淺，你依家明白肯戒賭，真係好好！
市民︰好？有咩好？依家咩錢都無晒！
波波︰無理由，唔使再倒錢落海喎。
市民︰仲好講，人哋廢玻璃拎去賣，出口價每噸六百蚊，依家你話攞嚟填海，擺明就倒錢落海，渣都冇得剩。
波波︰咁廢玻璃唔填海，仲有咩用？（市民拎出玻璃樽）
市民︰有咩用？咪用你打你啲廢官囉！
星仔︰救命呀！波波做錯事點解又要打我呀？
