擔任法國珠寶品牌亞洲總代理嘅Kimmy黎曉靈喺農曆年期間，受荷里活男星卻羅素（Kurt Russell）嘅邀請赴美舉行一連三日嘅派對，參與派對有《歌舞青春》嘅Kaycee Stroh、二○一三年美國小姐冠軍Erin Brady、《孤星淚》嘅安妮希芙威（Anne Hathaway）、《色慾都市》Gilles Marini等約五十位明星及電影人。Kimmy感覺驚喜萬分，更直言Anne係佢最喜歡嘅女星，又話：「Anne為人超nice，佢入屋唔到十分鐘就攤咗喺我嘅梳化上睡覺，因佢覺得很舒服，而現場嘅賓客則覺得佢好率性自然，全沒架子。」

黎曉靈（右）受卻羅素（左）嘅邀請赴美參加一連三日嘅派對。

而另一型男Gilles為逗太太歡心，更要求Kimmy用佢嘅構思去設計一枚戒指送畀太太，對於咁甜蜜嘅心意，Kimmy答應為佢守秘密。呢次派對受當地媒體嘅追訪，Kimmy更被形容為荷里活最當紅嘅Stylist，令佢受寵若驚。

第一手消息請下載on.cc東網iPhone/iPad/Android/Windows Phone Apps