透視鏡：「本都搵唔番，點撐落去？」生意慘淡 檔販慨嘆
「啲菇同瓜菜擺到收晒水都冇人買，惟有自己食，有時一日先做得幾廿蚊生意，連本都搵唔番，日日都咁慘，你話點撐落去？」留守白田街市的菜檔檔主何女士直言街市空置令人流劇減，令生意慘淡，雖然每日售賣十多種不同蔬菜，但仍有街坊抱怨「冇菜買」。貨物流轉慢、入貨量少更令來貨成本增高，售價被迫推高，最終令街坊「嫌貴唔幫襯」，形成惡性循環。
何女士（右）展示只有數十元的錢兜，直呼生意慘淡。
白田街市鞋檔檔主吳先生直言「賺埋都唔夠養家」，有意結業轉行投身清潔行業。
三代賣鞋轉行做清潔
同在白田街市經營鞋檔的第三代東主吳先生亦坦言未能守住家業，要養活一家的吳稍後將不再承租，並會轉行當清潔工，「我一日先賣得兩對拖鞋、一對白飯魚，做得五十蚊生意，就算我有心都捱唔到落去！」
吳不滿房署未有推出措施以改善檔戶經營狀況，任由檔戶「自生自滅」。
石硤尾街市檔主瓊姐由八十年代經營至今，靠經營菜檔「養大啲仔女」，惟生意近年每況愈下，幸好檔位位處街市較開揚通道，人流較多，才可維持至今，惟直言相比二十多年前生意已是一落千丈。
「我已經比其他檔好，有相熟客源，依家靠賣外國入口蔬果，總算有賺！」不過，瓊姐仍見證街市檔戶日益減少，對街市的將來發展不抱期望，「做唔到落去就退休」。
