SUN搞作：少膽虫手記：《明》《爛》同盟

「我同佢之間，仲使講嘅？」忽然間淫賤黎雙眼柔情似水，兩手輕撫自己臉頰，狀甚陶醉，過一陣先慢慢話：「咪就係我淫黎嘅精華－淫業賺番嚟嘅錢囉！唔係隻白鴿有咁肥咩？」

少膽虫仲係唔明，再追問：「吓，佢點背叛腦細你呀？」淫賤黎悲從中來，擰開塊面話：「佢竟然喺出面鬧《吉澤明報》請人出手低呀！係《吉澤明報》呀！我由七歲仔就開始鍾意嘅偶像呀！」淫賤黎喊到收唔到聲。

少膽虫驚覺淫賤黎原來同《吉澤明報》有咁深厚嘅關係，一邊撫摸淫黎光頭安慰，一邊獻計：「腦細，牛胃兄咁嘅街外人又點及得你親生仔《爛果》信得過？你如果想保住《吉澤明報》嗰塊值三千蚊嘅招牌，不如等我嚟啦！」

「你？」

「一於《吉澤明報》化，腦腫以外全部員工減三千蚊人工，《明》《爛》同盟一齊捍衞呻吟自由！」少膽虫羽扇綸巾，淫賤黎則聽到笑逐顏開。