SUN搞作：網絡小說：苦了學子

院校資訊日，小駿被一男子叫停，「同學仔，有無興趣讀我哋呢個獸醫課程，好抵讀，前途一片光明！」小駿不好意思，「其實……」

「有理想！當年魯迅先生棄醫從文，同學仔你唔想讀醫，肯定係想救國救民，我哋都有辦語文課程，實啱你！」面對男子口若懸河，小駿難得有機會開口，「語文課程？」可惜小駿未講完，男子又再連珠炮發，「係喇，就係朝鮮話課程，你話如果身處北韓，見到金仔又言語不通，真係犬決都有之，所以真係好實用。」

「但我淨係想喺香港發展。」小駿猶豫道。「無問題，呢排興啲咩佔乜佔物，以下呢個課程一定無得彈。」今次小駿隻字未吐出，男子就再介紹下去，「呢個野外求生紮營課程，最啱長期抗爭人士，你話霸到個好位紮營，出鏡率都高啲，日日見報，立會議員都有得你做！」