SUN搞作：少膽虫手記：垃圾
「少─膽─虫！」淫賤黎甫入門口，起勢大嗌。少膽虫立即躝過去，「我畀人圍呀！」少膽虫估唔到淫賤黎畀人圍嘅一日咁快到，嚇得戰戰兢兢：「吓！畀人圍……但係你冇穿冇爛……咁……即係……圍啲咩……」
淫賤黎嘆氣咁話：「我架錢七畀垃圾桶圍呀！你幫我揸番架車出嚟啦！」少膽虫聽唔明，淫賤黎再講：「有成十六、七個垃圾桶圍住我架車，無天理呀！」「腦細，係咪你得罪人多，畀人玩吖？」「啪啪！」淫賤黎掌少膽虫兩巴，「叫你幫我諗辦法呀！」
少膽虫絞盡腦汁，「腦細，咁多垃圾桶，虫得兩隻手都搬唔郁，不如報警啦！呢，早排有個中女都喺畀垃圾桶圍，報警就搞掂，我哋打狗狗狗啦！叫啲差人幫手！」「啪啪！」淫賤黎再打少膽虫兩巴，「打狗狗狗，壹全霉顏面何在？況且……」「咦？」「況且嗰十幾個垃圾桶入面，全部都裝滿《爛果》，啲《爛果》多到咁，畀人知仲得掂嘅！」
結果少膽虫咪同班員工過咗個搬垃圾桶大行動嘅一日。
