元朗區民居食水離奇出現漂白水味，仲驗出氯氣含量勁升，搞到啲居民被迫要用「漂白水」沖涼、漱口，仲焗住飲埋落肚，有啲居民仲飲到嘴角紅腫，嚴重影響健康。件事發生咗咁耐，水務署仲死撐話嗰啲唔係異味，又話啲水唔會影響健康，根本係砌詞卸膊，家吓問題已蔓延到屯門區，兩區居民投訴無門，惟有上網吐苦水。水務署署長林天星辦事不力，害到班居民咁慘，真係唔兜巴星佢都唔得。
林天星
