「點解唔送畀有需要人士？」
【本報訊】今次被「棄屍街頭」的近萬本好書，令康文署「大嘥鬼」面貌曝光，過去三年間每季大約注銷逾十六萬本書籍，不少市民得悉事件後「睇唔過眼」，紛紛質疑康文署處理舊書手法太浪費，建議將圖書贈予社福機構及有需要人士，讓它們有「容身之所」，不致淪為廢紙，有市民坦言：「揼咁多書真係浪費納稅人啲錢！」
有目擊市民心痛表示：「好地地一本書，點解唔可以送畀有需要人士？社區中心？孤兒院？好心痛呀！希望可以質詢圖書館有關這浪費行為！希望可以救到啲書。」
另外，就讀中五的胡同學表示，以前在香港中央圖書館做義工，曾目睹職員將要丟棄的舊書存放在員工室，但不清楚該批舊書最終去向，她直言署方今次做法太浪費：「啲書咁樣揼好浪費，其實可以送畀社福機構，等佢哋安排再送畀人。」中五的蔡同學也指：「好浪費又唔環保，可以送畀小型圖書館，等佢哋唔使買書。」馮同學則嘆指：「好浪費！揼咁多書真係浪費納稅人啲錢！」
