SUN驚奇：揀蝦心得：鮮貨睇色澤急凍睇排列
蝦價飆升，市民要提防有不法商人以劣質蝦混雜應市！香港海鮮聯會總會主席李彩華指，過去每逢蝦貴的時候，都會有不少人販賣過期蝦、泡水蝦等劣貨。
李彩華教路，市民如果要買新鮮蝦，可從蝦的色澤分辨，而購買急凍蝦的時候，可留意整盒蝦的排列方法是否整齊，及蝦是否完整。
「游水蝦就一定新鮮，如果死咗無耐，蝦嘅色澤仲係好鮮，好光亮，但放耐咗蝦頭同蝦腳就會發黑，所以買蝦一定要留意蝦頭同腳。」李彩華表示，如果買冷藏蝦時，常見的都是一盒一盒，或製成磚塊狀的。而比較優質的蝦，每盒蝦都會一隻跟一隻整齊排列，如果出現頭身分離等情況，質素多是欠佳。
他又指出，市民亦要留意每盒蝦是否存有過多冰塊，「有人會將啲蝦先泡水，或者加多啲雪，乘機呃秤。」
