SUN驚奇：新年蝦貴難哈哈笑
全球養蝦場失收帶動蝦價急升，農曆新年勢創五年新高。去年六月起，養蝦場嚴重失收，令街市、海鮮供應及飲食業近日出現撲蝦潮，活蝦價格已經上升五成，急凍蝦價更飆升一倍。部分食肆計劃農曆年前加價，業界更預期，到農曆新年，蝦價將飆至近五年高位，市民想於團年或開年食蝦，討哈哈笑的好兆頭，就要捱貴蝦。
郭小姐指蝦源緊張，來貨價持續上升。
胡先生指點心店每月用蝦的成本，增加了一萬元。
雲吞麵店耗用大量蝦，蝦價上升對他們影響甚大。
市民想於團年或開年食蝦，討哈哈笑好兆頭。（資料圖片）
留意價格
陳小姐：政府應該助市場引入更多供應來源，咁啲蝦就唔會太貴。
黃小姐：我好鍾意食蝦，就算貴都會照食。
各蝦種過去半年加幅
龍鳳賀歲、富貴黃金蝦，家庭主婦要買蝦煮團年或開年的意頭菜，支出將較往年多。記者走訪大角咀、旺角花園街及大埔街市，發現海蝦在過去半年，價格上升五成，較去年同期也貴了最少兩成。大角咀街市海鮮檔主冼先生指：「一斤游水海蝦，舊年中每斤一百蚊，依家每斤百五蚊。」而香港海鮮聯會總會主席李彩華更透露，本月中漁船陸續休漁度歲，預計蝦價有升無跌。
蝦價脫韁狂飆，源自一種蝦病毒，橫掃各地養蝦場。「由內地、馬來西亞、印尼、菲律賓以至澳洲都有。」香港餐務管理協會主席楊位醒謂：「以前東南亞蝦場有疫病，有內地養蝦場頂住，今次連內地都受波及，所以影響好大。」
未來兩周貨源最緊張
「呢種係一種令蝦苗出現早期死亡綜合症嘅病毒，原本蝦苗養到九十天就收成，但到三十天就大量死亡或唔長大，去年下半年，內地養蝦場疫情特別嚴重，收成大減。」海鮮批發商霍先生以市場需求最大的南美白蝦為例，「二至三吋長嘅蝦收成少於一半，五至六吋長嘅蝦更得番兩成。」
「內地養蝦場佔全球供應三成，一失收，全球批發商都要撲蝦，維持供應，依家有錢都未必拎到蝦。」另一名海鮮供應商顏先生也形容：「向相熟養蝦場訂一個貨櫃嘅蝦，過去有二十五噸蝦，依家最多只有三分一。」
未來十多日更是最緊張時刻，他拆解，新一批蝦苗要於今年三至四月才能夠應市，估計農曆新年期間，中港台市面對蝦的需求大增，其中急凍蝦的需求最為嚴重，將帶動新鮮海捕蝦的價格，「咩蝦都搶貴晒!」
食肆改用帶子珊瑚蚌
「五年嚟都無今年咁貴！」香港餐飲聯業協會榮譽會長陳首銘指，自去年六月業界掀搶蝦潮，急凍蝦價半年急升一倍，批發價由每斤五十三元，升至每斤一百二十元。而在農曆年前的兩個月，酒樓通常會向供應商訂購蝦仁、大蝦等食材，以便應付新年酒席旺季，但部分酒樓食肆至今仍然未能夠備存足夠的雪藏蝦，「特別係五吋以上，用嚟炒蝦球嘅雪蝦最為缺乏。真係無嘅話，可能要用帶子、珊瑚蚌代替。」
部分食肆難抵蝦價持續攀升，計劃農曆新年前後加價，彌補來貨價上升。太子一點心經理胡先生指出，每日要用近四十斤蝦，「每個月淨係蝦嘅成本就多成萬蚊」，計劃月中上調所有含有蝦食品價錢。」深水埗雲吞麵店劉森記負責人劉先生表示，近期蝦的加幅比前幾年多，貴絕其他食材，擬於農曆新年前上調雲吞麵價格。
