SUN搞作：SUN官場現形記：環保斗之禍
睇見路邊環保斗，李衞火都嚟。咪講話平時阻塞交通，環保斗仲引發過奪命交通意外，李衞決定要揪出幕後黑手好好懲戒，剛巧涉事四個部門代表聚首一堂，聽下佢哋又吹乜先……
發展局代表：我係做大事嘅，東北發展先好搵我，環保斗呢啲小事，你哋搞掂啦！
運房局代表：你冇睇新聞咩？香港最急切需要解決嘅係房屋問題，我梗係要急巿民所急啦，點可以分神？
民政局代表：你哋啲工作實在太膚淺，我要全力幫香港人發揚獅子山精神，從心拯救新一代，邊有時間理個乜乜斗？
警務處代表：咪望我呀，抄牌我哋就叻啫，環保斗呢啲環保嘢，層次太高，我哋唔識管！
李衞：唔使推嚟推去嘞，我有辦法！
四人：係咪真？
李衞：丟你哋入環保斗，送去垃圾崗，問題好快解決！
