透視鏡：訂造家具甩漏市民嬲爆
【投訴組報道】年近歲晚，不少市民都會趁機粉飾家居，迎接新的一年，但消費者只要稍不留神，心血就隨時泡湯。有市民向傢俬設計公司訂造家具，不但送貨多番出現延誤，訂製傢俬尺寸出錯兼品質差劣，令完美家居夢最終「爛尾」收場。
無法關門
櫃門因製作失誤無法關合。
尺寸出錯
李小姐指書枱本應為二十二吋，結果僅十六點五吋，須加板托高。
書枱上方本為玻璃櫃，疑因出錯致櫃不成櫃。
夾板空心
王先生指夾板未有「黐實」，更懷疑中間為「空心」。
鞋櫃甩皮
王先生發現鞋櫃頂部「甩皮」，並有大量木屑。
彎曲漏罅
鞋櫃疑因彎曲導致有逾半厘米突出，未能緊合。
王先生事後曾致電及親身到有關傢俬店投訴。
店舖商譽重要
馮小姐：（送貨）唔準時就成日都係o架啦，之前有朋友仲試過訂咗啲意大利磚貨不對辦，最好都係搵朋友介紹或者搵番啲大間啲嘅舖頭。
曾小姐：我之前都試過買梳化但送到嚟居然爆咗線，如果係小問題都係自己處理就算，搵消委會過程好繁複。
司徒小姐：好少試過有呢啲情況，最好都係搵啲有規模嘅舖頭，有保證啲。
購買及訂造傢俬投訴趨升
內地廠房脫期拖累
「佢次次都話兩個星期整好，結果次次都遲！仲要整完又錯，有咩理由事前唔對清楚？」李小姐早前向一間傢俬設計公司訂造包括床、書枱連櫃等傢俬。李指按原有設計，書櫃會有儲存格供擺放心愛布偶，故早已列明尺寸，對方更承諾於兩星期後交貨，最終卻拖至逾一個月才送貨，又旋即發現尺寸與設計圖不符，令完工日期一拖再拖，「我今次已經講明再唔準時我就唔收貨，點知都係遲！」
有關傢俬設計公司發言人證實，由於內地廠房無法如期交貨及客戶多番更改尺寸致出現延誤。為免影響客戶，該公司已特別自行租車往內地取貨，惟仍無法準時前往客人家中安裝。發言人強調，前往客人家途中已致電通知會稍遲到達，但適逢客人外出，無法入屋安裝，認為雙方均有責任。
鞋櫃甩皮門關不上
無獨有偶，王先生於傢俬店訂購家具後，發現貨品質素差劣，鞋櫃櫃頂「甩皮」兼出現碎屑，更疑櫃門彎曲無法緊合，書枱則有夾板「黐唔實」、「空心」及油漆剝落等問題，「有咩理由買咗兩日就甩晒皮？」
有關傢俬店發言人表示，曾三次派員到王家查看，發現鞋櫃頂板或因夾板黏貼不佳而「甩皮」，櫃門則因遇上天氣乾燥、木板收縮而呈彎曲，職員同時又向客戶要求檢驗空心夾板惟遭拒絕。發言人強調，已告知客人如有不滿可要求更換但遭拒，個案已交由消委會處理。
「張（訂貨）單好重要，只要上面寫清楚價錢、用料、尺寸同交貨日期呢啲資料，日後就唔怕口同鼻拗。仲要記住，即使落咗訂，客人都要定時跟進番個進度。」立法會議員王國興指新修訂《商品說明條例》亦適用於同類消費投訴，市民若遇類似問題，建議可先透過消委會幫忙調解及向海關投訴，如問題最終無法解決，便需入稟小額錢債審裁處或法庭要求索償。
