政壇：周英華重本巨作會畫友

Michael一九三九年生於上海，出生於藝術世家，爸爸係著名京劇大師周信芳。佢十三歲開始喺倫敦留學，由於父親之後下落不明，五十年來一直冇再回國，亦只見過母親一次。喺文化衝擊同獨特嘅經歷下，令Michael對藝術有更特別嘅體會。

今次展覽《畫家的秘訣》喺中環藝術門畫廊舉辦，畫廊創辦人林明珠早喺十四個月前就決定為Michael搞今次展覽。雖然今次展出嘅作品製作成本非常高，部分畫作運用咗接近一百五十塊純銀片同黃金製成，但林明珠話藝術作品嘅價值唔應該用材料價錢嚟衡量，今次Michael將最矜貴嘅金屬材料混合廢物創作，就係要表達對傳統「價值」嘅挑戰。