當死水一潭的香港甲組足球稍為回氣之際，竟發生「打假波」醜聞，叫人失望至極！

老老實實，歷來都有「打假波」的傳言（或真有其事），全球都有o架嘞！已再不是甚麼大新聞咯！但呢啲不道德的行為，以前，總在鬼鬼祟祟，秘秘密密地摸黑進行，造假的球員也須扮晒嘢、交足戲，以唔畀人睇穿為首任，點似得依家咁，狼到擺明「玩嘢」，肆無忌憚頂波入自己龍門又如何？

舊時，捉到有人「打假波」，都係涉嫌一場兩場，或收買咗一個半個球員；今天，係成季賽事，甚至有能指揮全隊球員，或整個球壇，真係過分到不得了！

「打假波」的幕後黑金，現傳聞話係同大陸幫有關的，睇迹象，亦不遠啦！內地造假歪風之瘋狂，已去到無法無天地步。本來，大陸金主喺那個妖氣沖天的鬼域，互殘廝殺鬼打鬼，原屬佢哋祖家「內政」，外人不得干涉，但呢班賤精因「黑哨」猖獗被查，便將「戰場」移植嚟呢個「靠強國人經濟救活」嘅香港廢柴特區，咁就弊囉！佢哋在此搵着數，當香港係提款機，幾時撳錢都得，而廢柴政府卻視而不見，怎叫人不媽媽聲？但同時，佢哋將呢種歪風和意識一併帶來，教壞本地人才是大鑊呀！

家陣，當大家只顧當前利益，去到不擇手段，視法治如無物，甚至看成理所當然時，咁呢度仲係大家心目中的香港嗎？

大陸最卑賤下流的行為，以前還有一道鐵橋，一澗淺水相隔，今天，由政府帶頭拆橋填河，兩地一體化，咁！香港人，咪要面對現實o架啦！鬼叫你無資格移民咩！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps