SUN搞作：網絡小說：分身術大戰替身術
月黑風高夜，各自立於電燈柱上的二人對峙，「吳得掂，就算你點窩囊，我都已經有辦法解決。」忍者家長自豪地說。吳得掂一臉驚訝，「無可能，我出盡法寶都敵唔過搶位大軍，依家仲殺入元朗，連報名表都賣成五百蚊，根本就點搞都唔掂！」
「哼，講多無謂，看最強忍法－－多重影分身術！」吳得掂本以為忍者家長會雙手結印，一陣輕煙過後就會出現千多個忍者，詎料……「仲以為咩分身術咁厲害，無端端走咗成個鐘又走返嚟，最後咩事都無發生過，計我話係走佬術就真！」吳得掂不屑地道。
忍者家長一聽，火冒三丈，「唔係你搞唔掂，我使咁辛苦走幾間幼稚園貼『頭位紙牌』霸位？」話畢就取出木棍，怒打吳得掂。正當忍者家長定神一看，發現自己打的竟然是張櫈。
「你有分身術，我都識替身術，張櫈就留畀你貼『頭位紙牌』霸多個位喇！」一陣回音過後，吳得掂再次消失得無影無蹤。
