政壇：滙豐奇招宣傳商務卡
商務卡嘅多寡，係直接同經濟、經營環境掛鈎，滙豐喺一四年開始冇耐，即推五張公司同商務MasterCard，證明今年經濟應該唔錯，佢哋仲搵咗設計師鄧業成設計五套時裝，用唔同色系同國籍嘅Model行Catwalk，襯番晒五張新卡設計，非常吸引眼球。
滙豐香港工商金融主管陳樑才與五個唔同國籍嘅Model一齊推銷新卡。
滙豐拍住MasterCard一口氣推五張新卡，包括港元環球商務、環球公司、白金公司同白金採購卡，另外加多張美元環球商務卡，滙豐就請咗五個索爆Model，着住藍、銀、紅、綠、黑色時裝帶住張卡出嚟，而且同張卡嘅功能互相呼應，例如美元環球商務卡個Model套衫係綠色，襯番美元鈔票。
滙豐香港工商金融主管陳樑才大讚張卡嘅優惠，唔單止客戶可以免費用機場貴賓室，仲加碼海外簽帳積分回贈至百分之零點八，好有信心吸引到啲客戶。
