SUN搞作：打橫嚟講：香港政治激化年，一定出大事
二○一四年剛開始幾日，香港政情波雲詭譎。民陣「申請」元旦遊行人數五萬，最終只嚟得三萬人！
香港人的怒氣，真是「突然」消退了嗎？「民間全民投票」卻有六萬幾人參加，另有不少人說本想投票，但投票系統失靈，無法參與，咁呢班人有幾多係只撳鍵盤，便當自己支持「民主選舉」，所以不行出嚟了！有冇既投票又遊行的呢？
呢個「全民投票」的成績，被追求全民無篩選的民主選舉之人士質問，為何「公民提名」後面要加「元素」這個含糊的「逃生門」，給香港政府享用「釋法權」？
民間政團分化分裂已成定局，但政府最高層內鬥亦冒出水面。
當梁特首對幼童說冀望香港普選能在佢任內實現，並記錄在小學教科書內時，佢手下的政務司司長林鄭飛撲出嚟話由中央阿爺派佢主理的政改做得很辛苦的，也最應有份寫入歷史裏，好小學雞的爭邀功！低能低莊。
好嘞！下星期三，十五號，梁特首將發表任內第二份《施政報告》，準備「放水」低收入家庭補貼，梁特首都未蒲頭，又見林鄭以「香港政府最高領導人」身份，出席電台「放風」，爭先發表「扶貧財政預算」，話政府擬撥款逾廿億，補貼低收入家庭。
林鄭預先落釘，係將撥款計劃講到既定事實，迫令特首無彎轉吖？定係搶飲頭啖湯呢？係幫手鳴鑼開路吖？定係另有所圖呢？我等小蟻民，真頭，乜都只許遠觀而不得近望。
二○一四年，將是香港「政治激化」的一年，一定有大事變化，唔信？買定花生等睇戲吧！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
