政壇：施政報告建議 新論壇執口水尾

新論壇尋日向政府提交九大建議，內容由經濟、教育、福利、稅制包羅萬有，但睇真啲就發覺，新論壇啲建議有少少熟口熟面，例如其中一個「設立境外進修學生貸款計劃」，建議每年提供四千個名額畀學生申請，每年資助唔多過十萬。呢個建議同某建制政黨提議嘅差唔多？似乎新論壇對「回收循環再用」呢個概念非常掌握喎!

九大建議中，除咗部分建議有執人口水尾感覺，其他就似係意見多過建議。例如最尾一項「建議」政府避免派糖，要善用盈餘投資，但講嚟講去都講唔出政府應該點做。新論壇早前榮獲民調評為全港尾二政黨，依家睇番結果，似乎未必無道理。