精益求精，力臻完美，係東方報業集團旗艦網站「on.cc東網」嘅宗旨，亦係太一叮向各位作出嘅承諾。嗱，講得出做得到o架，東網又有創新之舉，今次係手機Apps進一步優化，更新版嘅Menu Bar更簡潔，手機頁面更寬闊，更符合讀者瀏覽習慣，絕對係人見人愛，車見車載。

即係咁，「on.cc東網」更新版Apps，將原本置於頁面底部嘅Menu Bar五個按鈕移到左側嘅隱藏式Menu Bar，令目錄一目了然，簡潔易明，仲可以騰出手機屏幕嘅珍貴位置，讓讀者瀏覽更多資訊。讀者只要輕按手機屏幕左上角嘅「on.cc東網」標誌，就可拉出隱藏式Menu Bar，點選想瀏覽嘅資訊，包括「東網即時」、「ontv東方電視」、「東方日報—網頁」、「太陽報—網頁」、「東方日報—電子報」、「太陽報—電子報」、「好報—電子報」、「特刊—電子版」、「FLASHoN—電子版」、「FLASHoN.com」、「Money 18」及「爆料/設定」，一隻手指點盡全球資訊。

有人可能會問，究竟點樣更新手機程式呢？好簡單啫，三星等Android用戶，只要進入Play Store，搜尋「on.cc」，便可搵到最新版本「東網港澳」Apps，按入「東網港澳」Apps點擊「更新」，就完成更新程序。至於iPhone等iOS用戶嘅更新程序亦好簡單，只要到App Store，按右下角「搜尋」，輸入「on.cc」，按下「更新」按鈕，便可享用「東網港澳」Apps最新功能，不過咁，由於App Store審批緩慢，用戶需要少少耐性，等候幾日。

今時今日，資訊無界限，「on.cc東網」為照顧讀者各項需要，除咗提供全新嘅閱讀樂趣，仲提供非常方便嘅爆料渠道，只要按入「東網港澳」Apps嘅「爆料/設定」頁面，隨時隨地都可以輸入爆料內容，以及上載圖片及影片；當然喇，讀者亦可以根據頁面提供嘅電話號碼直接致電爆料，人人都可以做記者o架。

好嘢自然有人欣賞，「on.cc東網」強勢登場以來口碑載道，單月不重複讀者人次達三百一十二萬，每日瀏覽總頁次一千五百萬，淨係前日咋，用手機瀏覽頁數就超過一百萬吖。至於全球免費開放嘅「太陽報電子報」、「好報電子報」及「FLASHoN電子版」，更加係氣勢如虹，讀者節節上升。太一叮再提提大家，「東方日報電子報」暫時未免費開放，不過咁，「on.cc東網」優惠陸續有來，唔只有第一波，仲會有第二波、第三波，大家千祈唔好錯過。

總而言之，一網在手，天下我有。要贏在起跑線，就要密切留意「on.cc東網」喇，你今日上咗未吖！

第一手消息請下載on.cc東網iPhone/iPad/Android/Windows Phone Apps