「恒生新抱」何倍倩生意諗頭多多，近日喺自己位於中環嘅寫字樓，另闢一角經營「小生意」，將自己收藏嘅靚衫攞出嚟賣，開闢二手衫市場。

何倍倩嘅小型二手衫專區，放置過百件party dress。

平日出席社交場合置裝扮靚嘅代價，令佢屋企堆積唔少衣物，成為沉重壓力，佢話：「有啲簡單嘅衫褲會送去回收箱，但一啲party dress只係着過一兩次，如果再擺落去就會過時，可能有啲女仔去party啱用，我又可以清理下衣櫃，都幾好。」

呢個小型二手衫專區，放置超過一百六十件party dress，集各國名牌，依家以一折發售，佢話下一步仲會搞小朋友二手衫，仲笑說：「清理小朋友衣櫃時，好心痛，見好多BB衫好靚好新，未着過，我又唔會再生，所以遲啲都會搞BB二手衫。」

第一手消息請下載on.cc東網iPhone/iPad/Android/Windows Phone Apps