早前中央實施「八項規定、六項禁令」，加上推行三公消費限制後，中央各部門喺送禮、宴會、接待都大行節約之風。以往好多本地商界人士同內地官員打交道，餐桌上都有幾支國酒茅台坐鎮，但呢個場面已一去不復返。聽聞一支普通茅台由最高價三千多元，暴跌至二千元左右就有交易，但相反酒精濃度同樣咁高嘅習酒，就成為內地官場新貴，價格愈升愈有。
咁出產茅台嘅貴州茅台酒廠咪少咗生意？當然唔係啦，因近年新興嘅習酒，正正係貴州茅台酒廠旗下一種醬香型白酒，由兩三年前五百元一支，最近已升穿一千元水位。
