政壇：選特首唐唐自嘲三無

尋日喺一個政黨嘅周年黨慶活動中見到前政務司司長唐英年，被問及會唔會捲土重來再參選特首時，佢笑笑口話如果擔任特首需要三大條件，包括有心、有力同有志氣，佢話自己無法勝任，仲話自己何德何能喎！對於商務及經濟發展局前局長馬時亨話，想申請做前財政司司長「阿松」梁錦松嘅特首選舉辦主任，意味撐阿松選特首，唐唐就話無聽過呢個傳聞喎！唐唐又話希望香港能盡快落實普選，否則政府同市民都係輸家，佢話隨着社會變化，可以不斷優化選舉制度，相信唔會一成不變。