為不影響行車罔顧安全
【本報訊】據悉港鐵車長將輕鐵「火」車駛返緊急月台而非即場停下，是為了不影響車務運作。立法會議員及區議員均「鬧爆」此做法罔顧安全，認為「安全比服務更重要」！港鐵作為公共運輸機構，近日事故頻生，應向市民交代及負責。
立法會議員王國興炮轟輕鐵列車冒煙仍「夾硬」開行，罔顧安全，因冒煙即顯示列車正燃燒發熱，隨時有可能起火甚至爆炸，不單威脅車長安全，更對沿途市民及其他車輛安全構成危險。「依家安全緊要定服務緊要啲？」他認為出事列車應即場處理，第一時間召消防到場，待安全後再拖走。
儘管輕鐵車輛維修並非外判，但王指出：「港鐵為咗節省成本，提高利潤、董事獲取嘅花紅同袍金，把維修外判，可能咁正係事故頻生嘅根源。所以政府除咗向港鐵罰款，亦應向董事罰款，逼佢哋加強監管，提高服務質素。」
元朗區區議員周永勤稱：「究竟車長憑咩判斷架車有冇即時危險？無理由為咗『唔阻住輕鐵』，就要車長揸住架有問題嘅車駛返緊急月台，攞自己條命去博！港鐵應檢討車長指引。」
