SUN搞作：打橫嚟講：一夜爆紅路姆西

幾日前，誰可料到，一件做善事的小玩具，竟會變成全城熱爆，萬人爭購愛戴的「新神獸」。公仔原名的Lufsig是瑞典語，意指「笨拙」。中文譯名「路姆西」，乃強國人民高手作品，繼「河蟹」和「草泥馬」之後，又一傑作，好嘢！

呢幾年，中華大地只有內地出產的「河蟹」和「草泥馬」兩大神獸雄霸天下，今勻，香港也整番件「路姆西」坐鎮，可為港人面子爭回一口氣了！

若中港兩大神獸「草泥馬」和「路姆西」無縫交接，打孖上行孖咇，組成「草泥馬路姆西」政黨參政，連結埋近期冒起的民生關注團體「調理農務蘭花系」，嘩！咁就人強馬壯囉！

歷史一直告訴我哋，人算不如天算的！

歷史長河裏，既有必然性，也有偶然性的，正正一隻公仔在無法預知情況下，一炮而紅，仲周圍賣斷市！

過往，有艷星一脫成名，今天，路姆西同樣一夜之間竄紅。

從這「意外事件」，給了我一個很大的啟示：即使現今政治氣氛有幾不濟、惡劣、兇險和無望，但原來，都絕非必然的！一次偶然（看不到的上帝之手），普通毛公仔都可以變熱搶路姆西，世事無絕對，唔到你唔信。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府